دفع قسط الراوتر we
“نذكركم بدفع 10 ج م رسوم استخدام الراوتر للإنترنت الأرضي” ربما أنت بحثت في جوجل عن دفع قسط راوتر وي بسبب وصول هذه الرسالة إليك أو أنك تريد أن تعرف كيف يمكن دفع قسط الراوتر وي ولم تصلك هذه الرسالة، على أي حال سواء وصلتك الرسالة أو لا فإننا نتحدث اليوم عن كل ما يخص دفع قسط الراوتر الخاص بشركة وي أو المصرية للاتصالات.
كيف يمكن دفع قسط الراوتر we
دفع قسط الراوتر من we يتم بشكل أوتوماتيكي مع دفع الباقة كل شهر وتختلف الرسوم حسب نوع الراوتر فهناك راوتر قسطه 5 جنيه وراوتر آخر قسطه 10 جنيه وآخر راوتر أتاحته شركة we بالتقسيط ب 50 جنيه.موعد دفع قسط الراوتر we
يتم دفع قسط الراوتر من we مرة واحدة شهريا يوم محدد وثابت كل شهر وهذا اليوم هو تاريخ تعاقدك مع الشركة وبعد كل 30 يوم تقريبا من هذا التاريخ يتم دفع قسط الراوتر مثلا : أنا تعاقدت مع شركة we يوم 26 من شهر يناير فإنني سأدفع قسط الراوتر يوم 26 من كل شهر، حتى لو الباقة بتخلص في نص الشهر سيتم خصم قيمة قسط الراوتر في ميعاد الدفع الخاص بها، ولو أنا بجدد الباقة مرتين في الشهر يعني كل 15 يوم فبكدا أنا هدفع باقة ومعاها قسط الراوتر والباقة التانية هدفعها بدون قسط الراوتر لأن قسط الراوتر بكرر مرة تانية بيتدفع مرة واحدة شهريًا.
لو انت مش بتجدد الباقة هل عليك قسط راوتر؟
الإجابة : نعم عليك قسط راوتر سواء بتجدد الباقة أو لا لازم هتدفع القسط كل شهر في ميعاده.
ما هي مدة تقسيط راوتر we
لا يوجد مدة محددة ينتهي فيها تقسيط راوتر we لأن انت بتدفع الرسوم كل شهر كحق انتفاع بهذا الراوتر (يعني الراوتر مش بتاعك) بتدفع القسط كل شهر لغاية ما تكمل 4 سنين بعد الأربع سنين تقدر تدفع 50 جنيه وتاخد الراوتر ويبقا ملكك غير كدا انت بتدفع ال5 جنيه دي مدى الحياة طول ما انت مشترك مع شركة وي وفي حالة الغاء الاشتراك تقوم بدفع ال50 جنيه وتاخد الراوتر.
كم قيمة قسط الراوتر من we
لمعرفة تكلفة ايجار راوتر وي قم بالدخول الى حسابك على موقع وي او تطبيق my we وقم بالدخول الى قائمة الاشتراكات او الإضافات وستجد فيها قيمة قسط الراوتر بالإضافة إلى ميعاد دفعه كل شهر.
كدا احنا انتهينا من شرحنا اليوم أتمنى أن تكون قد استفدت من الشرح وأنك تكون عرفت كل ما يخص دفع قسط الراوتر أي سؤال أو استفسار التعليقات موجودة وهرد عليك فورًا.
هل في حاله استبدال الروتر من شركة وي تطبق مدة ٤ سنين اخري لتملك ال روتر