طرق دفع النت من اتصالات كاش 2023

 دفع فاتورة النت من اتصالات كاش

يرغب الكثير من مستخدمي شبكة اتصالات من دفع فاتورة الانترنت الخاصة بهم من خلال المحفظة الالكترونية “اتصالات كاش” وعند بحثي على جوجل عن دفع فاتورة النت من اتصالات كاش لم أجد شرح واضح لطريقة دفع فاتورة النت من اتصالات كاش، لذلك قررت عمل هذا المقال والذي سأشرح فيه كل ما يخص دفع فاتورة النت عن طريق اتصالات كاش تابع المقال خطوة بخطوة وحاول تطبيق الخطوات معي وستنجح معك الطريقة لأنها سهلة لكنها تتطلب بعض الفهم.
هل يمكن دفع فاتورة النت من اتصالات كاش؟
الإجابة : نعم يمكن دفع فاتورة النت الأرضي من اتصالات كاش ولكن بطريقة غير مباشرة.

دفع فاتورة النت we اتصالات كاش

طريقة دفع فاتورة النت الأرضي من اتصالات كاش

يعني ايه طريقة غير مباشرة ؟ يعني مفيش كود بتكتبه وتتصل بيه تجدد من خلاله فاتورة النت، لكن الطريقة مقسومة على خطوتين :
الخطوة الأولى: عمل فيزا اتصالات كاش(هنشرحها في المقال ده سريعا الطريقة سهلة جدا).
الخطوة الثانية : الدخول لموقع we والدفع من خلال فيزا اتصالات كاش التي تم استخراجها منذ قليل.
كدا أظن انت فهمت الطريقة هتم ازاي تابع بقا كل خطوة من الخطوات دي وطبق معايا خطوة بخطوة.
قبل بس ما ابدأ في الشرح حابب أقولك ان فاتورة النت اللي احنا هندفعها هي فاتورة النت الأرضي we ودي أغلب الناس بتدفعها فلو انت فعلًا عايز تدفع فاتورة النت الأرضي من اتصالات كاش كمل معايا لكن لو دخلت هنا بالغلط وعايز تدفع فاتورة تانية غير فاتورة النت we قولي عليها في الكومنتات وأنا هساعدك.

استخراج فيزا اتصالات كاش

عمل فيزا اتصالات كاش هي طريقة سهلة جدا نقوم بها من خلال أكواد الاتصال عن طريق الاتصال برقم *777*6# ولو الرقم مش واضح لحضرتك أو مش عارف تكتبه من اليمين ولا من الشمال فهو بالعربي نجمة سبعة سبعة سبعة نجمة 6 شباك أو *سبعة سبعة سبعة*ستة# أظن كدا انت فهمت الكود وعرفت تكتبه بعد ما تطلب الكود اللي فات هيطلعلك خانة تكتب فيها مبلغ الكارت أو الفيزا  (أنصحك بعدم كتابة المبلغ اللي بتدفعه في الفاتورة بالظبط  بل قم بكتابة مبلغ أكبر منه والباقي هيرجع)، بعد كتابة المبلغ ستقوم بكتابة كلمة سر المحفظة الخاصة بك، بعد كتابة كلمة السر بطريقة صحيحة سيتم ارسال رسالة إليك فيها بيانات كارت الدفع اونلاين من اتصالات كاش.

بعد عمل فيزا اتصالات كاش ووصول البيانات لك في رسالة نصية على هاتفك ستسألني ازاي ادفع فاتورة النت من اتصالات كاش؟ هقولك شوف الخطوات القادمة فيها شرح بالصور لكيفية دفع فاتورة النت من اتصالات كاش.

كيفية دفع فاتورة النت we من اتصالات كاش

هناك طريقتين لدفع فاتورة النت we من اتصالات كاش، واحدة عن طريق موقع وي والأخرى من خلال تطبيق ماي وي وسنشرح طريقتي الدفع لكل من الموقع والتطبيق من خلال السطور القادمة.

دفع فاتورة النت we من اتصالات كاش عن طريق الموقع

يمكنك دفع فاتورة النت الأرضي من خلال موقع we بطريقتين مختلفتين وكلاهما يؤدي إلى نفس النتيجة وهي تجديد باقة النت، تختلف الطريقة الأولى عن الثانية في التجديد بدون حساب أي بدون تسجيل دخول الى الموقع ولنبدأ الآن في الشرح.
الطريقة الأولى للدفع من خلال الموقع بدون تسجيل دخول
قم بفتح موقع https://my.te.eg.
قم بالضغط على شحن الرصيد / دفع الفاتورة أو Recharge /Pay Bill.
شحن الرصيد ودفع الفاتورة وي


قم بالضغط على الانترنت المنزلي أو We Home Internet.
الانترنت المنزلي
اختر محافظتك واكتب رقم الهاتف الأرضي واكتب أى بريد الكتروني خاص بك وتحقق أنك لست روبوت في الأماكن المشار اليها في الصورة.
كتابة رقم التليفون الأرضي
اختر بطاقة بنكية وحدد المبلغ ووافق على الشروط والأحكام.
كتابة بطاقة الدفع.
ستظهر لك رسالة تأكيد الدفع وهي إقرار منك بتأكيد عملية دفع فاتورة النت الأرضي اضغط “نعم” أو “yes” اذا كنت موافق على الإقرار.
أكتب اسمك ثم أكبر رقم في رسالة فيزا اتصالات كاش وشهر الانتهاء وسنة الانتهاء والرقم السري واضغط على ادفع الآن. (كل الأرقام دي هتكتبها من رسالة اتصالات كاش حتى الشهر والسنة).
ارقام كارت الدفع
بعد عمل هذه الخطوات فانه سيقوم بشحن رصيد الباقة الى حسابك في موقع وي وتجديد الباقة.
الطريقة الثانية للدفع من خلال الموقع بتسجيل دخول
قم بتسجيل الدخول الى حسابك على الموقع (نفس حساب my we).

اضغط على إشحن أو recharge.

اضغط الرقم الحالى أو current number.

اضغط على بطاقة بنكية واكتب مبلغ الشحن (انا بشحن باقة 140 جيجا وقسط راوتر فبكتب 142.5).

ستظهر لك رسالة تأكيد الدفع وهي إقرار منك بتأكيد عملية دفع فاتورة النت الأرضي اضغط “نعم” أو “yes” اذا كنت موافق على الإقرار.
أكتب اسمك ثم أكبر رقم في رسالة فيزا اتصالات كاش وشهر الانتهاء وسنة الانتهاء والرقم السري واضغط على ادفع الآن. (كل الأرقام دي هتكتبها من رسالة اتصالات كاش حتى الشهر والسنة).

دفع فاتورة النت we من اتصالات كاش من خلال تطبيق my we

أغلب الناس عندها تطبيق my we على الموبايل وممكن من خلاله انهم يدفعوا فلوس النت دلوقتي هشرحلك خطوات الدفع من خلال ابليكيشن ماي وي.
افتح البرنامج وسجل الدخول – وبعد كدا انزل لتحت سيكا فيه خانة اسمها شحن الرصيد على اليمين دوس عليها – وبعد كدا دوس على الرقم الحالي لو هتشحن على رقمك انت.
دفع فاتورة النت we من اتصالات كاش من خلال تطبيق my we
بعد الخطوات السابقة اكتب مبلغ الشحن كما هو مشار في الصورة انا بشحن باقة 140 جيجا وقسط الراوتر وبدفع عليهم 142.5 – بعد كدا هتظهرلك صفحة تكتب فيها بيانات الفيزا اكتبها من خلال رسالة بيانات الفيزا الخاصة باتصالات كاش.
دفع فاتورة النت we من اتصالات كاش من خلال تطبيق ماي وي
كدا احنا انتهينا من شرحنا اليوم أتمنى أن تكون قد استفدت من الشرح وأن تكون قد استطعت دفع فاتورة الانترنت الخاصة بك من خلال اتصالات كاش لو عندك أي تفاصيل سيبها في التعليقات.

رأيان حول “طرق دفع النت من اتصالات كاش 2023”

أضف تعليق